- 579 -

1427. Juli 10. Liegnitz.

Herzog Ludwig bekennt, bei Schlichtung des Streites zwischen der Stadt Legnitz und den liegnitzer Domherren geboten zu haben, dass der Rath das Domthor und die Pforte nach eigenem Gefallen sperren könne.

Wir Ludewig von gotes genaden herczog in Slesien zum Brige vnd czu Lignicz bekennen vnd tuen kunth vffuntlichen mit diesem briue allen den, die een sehn adir horen lesin, alz wir dann vormols czuczeyten czwuschen den ersamen vnd andachtigen prelaten, thumherren vnd dem cappetil der kirchen czu Lignicz an eyme vnd vnsern liebin getruen rathmannen vnd vnser stat Lignicz an dem andern teyle von des thumtors wegen eynen entscheyt vnde ausproch getan haben, dorynne vns sampt eynen herczoge czu Lignicz vollemacht behaldin haben, sulch artikel von sulches thoris wegin czuwandeln noch vnserm beheglichen willen, also habin wir vollemacht gegebin vnd gebin iczund incraft dieses briues vnsern obgenanten rathmannen czu Lignicz, das obgenante thumthor vnd die pforte dorynne vff, czu, abe czuslyssen, mechticlich ynne czu habin, wie daz vnser stat allirbeste bequemet vnd fuglichen seyn wirt, nu vnd czu ewigen geczeyten doran an vserem obgenanten ausprache vnser obgenanten stat vnd sulcher ingelegter peen vngehindert vnd vnuorfallin. Mit vrkunde dieses brieffes czu rechtem bekentenisse mit vnserm grossen ingesegele vorsegilt; gebin czu Lignicz am donorstage vor Margarethe, noch Crists gebort vierczenhundirt vnd dornoch in dem sebenvndczwenczigsten jare. Dobey seind gewest vnsere liebin getruen her Hencz Ole, Henrich Gebelczke, Conrad Hoeberg, Bernhard von Parchewicz vnde Johannes Bawde vnser schreiber, dem dieser briff befolin warth.

O. d. St. L. No. 323. Das Siegel an Schnüren von rother Seide. — Bitschens Privilegb. f. CXIV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866